杏MAP导航

VATICAN NEWS

“Wakati umefika wa kuhitimisha historia ndefu na ngumu karibu na matukio ya kiroho ya Medjugorje.” Ujumbe juu ya uzoefu wa kiroho unaohusishwa na Medjugorje, uliotiwa saini na Kardinali Víctor Manuel Fernández, Mwenyekiti wa Baraza la Kipapa la Mfundisho Tanzu ya Kanisa unaanza kwa maneno haya. Maandishi yaliyoidhinishwa na Papa Francisko ambayo yanatambua wema wa matunda ya kiroho yanayohusishwa na uzoefu wa Medjugorje na kuwaidhinisha waamini kushikamana nayo kwani “matunda mengi chanya yametokea na hakuna athari mbaya au hatari iliyoenea kati ya watu wa Mungu.” Kwa ujumla, maoni juu ya ujumbe huo pia yalikuwa chanya, licha ya baadhi ya ufafanuzi juu ya baadhi ya vielelezo vya maneno.

Matunda mazuri

Maeneo yaliyounganishwa na jambo la Medjugorje ni mahali pa mahujaji kutoka ulimwenguni kote. “Matunda chanya yanafunuliwa zaidi ya yote kama kukuza maisha ya imani yenye afya” kulingana na mapokeo ya Kanisa. Kuna "uwongofu mwingi" wa watu ambao wamegundua au kugundua tena imani; kurudi kwa ungamo na ushirika wa kisakramenti, miito mingi, "mapatano mengi kati ya wanandoa na upyaishwaji wa maisha ya ndoa na familia". "Uponyaji mwingi" pia uliripotiwa. Parokia ya Medjugorje ni mahali pa kuabudu, sala, semina, mafungo ya kiroho, mikusanyiko ya vijana. Kazi za upendo pia zimeibuka kwamba huduma kwa mayatima, watumiaji wa dawa za kulevya, walemavu na pia kuna uwepo wa vikundi vya Wakristo wa Kiorthodox na Waislamu.

Ujumbe wa amani

Ujumbe kutoka Baraza la Kipapa la Mafundisho Tanzau ya Kanisa unaendelea kwa kuchunguza vipengele vikuu vya jumbe, nyingi kuanzia ile ya amani inayoeleweka sio tu kutokuwepo kwa vita lakini pia katika hali ya kiroho, kifamilia na kijamii: jina la asili zaidi ambalo Mama Yetu anajihusisha na yeye ni kiukweli: "Malkia wa Amani". Ni amani ambayo ni tunda la upendo hai, ambayo "pia inamaanisha upendo kwa wale ambao sio Wakatoliki." Kipengele kinachoeleweka vyema zaidi “katika muktadha wa kiekumene na wa kidini wa Bosnia, uliowekwa alama ya vita vya kutisha vyenye vipengele vikali vya kidini.”

Mungu katikati

Mwaliko wa kuachwa kwa ujasiri kwa Mungu ambaye ni upendo hujitokeza mara kwa mara: “Tunaweza kutambua kiini cha ujumbe ambamo Mama hajiweki katikati bali anajionesha kuwa na mwelekeo kamili kuelekea muungano wetu na Mungu.” Zaidi ya hayo, "maombezi na kazi ya Maria inaonekana wazi kuwa chini ya Yesu Kristo kama mwanzilishi wa neema na wokovu katika kila mtu.”

Wito kwa uongofu

Katika jumbe hizo ndipo pia tunapata"mwaliko wa mara kwa mara wa kuacha mtindo wa maisha ya kidunia na kushikamana kupita kiasi cha bidhaa za kidunia na mialiko ya mara kwa mara ya uongofu, ambayo hufanya amani ya kweli duniani iwezekanavyo. “ Uongofu wenyewe unaonekana kuwa ndio kiini cha ujumbe wa Medjugorje. Pia kuna "himizo la kusisitiza la kutodharau uzito wa uovu na dhambi" na kuchukua wito wa Mungu wa kupambana na uovu kwa uzito. Jukumu la sala na kufunga pia ni la msingi, kama vile umuhimu wa misa na utafutaji wa maana kuu ya kuwepo katika uzima wa milele.

Ufafanuzi unahitajika

Sehemu ya pili ya waraka inasisitiza jinsi ambavyo "baadhi ya humnbe chache" zinaweza kuonekana "zilizounganishwa na uzoefu wa kibinadamu uliochanganyikiwa" hata kama makosa fulani yanaweza yasiwe "kutokana na nia mbaya, lakini kwa mtazamo wa kibinafsi wa jambo hilo."Katika baadhi ya matukio “Mama Yetu anaonekana kuonesha hasira fulani kwa sababu baadhi ya maagizo yake hayakufuatwa; hivyo anaonya juu ya dalili za vitisho na uwezekano wa kutotokea tena." Lakini kwa hakika jumbe nyingine hutoa tafsiri sahihi: “Wale wanaotabiri maafa ni manabii wa uongo. Wanasema: “Katika mwaka fulani na fulani, siku fulani na fulani kutakuwa na msiba.” Nimekuwa nikisema kwamba adhabu itakuja ikiwa ulimwengu hautabadilika. Kwa hivyo ninawaalika kila mtu kwenye uongofu” (15.12.1983).

Kusisitiza juu ya ujumbe

Kisha kuna ujumbe kwa ajili ya  parokia ambamo Mama Yetu anaonekana kutaka udhibiti wa maelezo ya safari ya kiroho na ya kichungaji. Wakati mwingine ujumbe "hurejeea maombi  “yasiyowezekana ya asili", wakati Mama "anatoa maagizo juu ya tarehe, mahali, vipengele vya vitendo na kufanya maamuzi juu ya mambo ya kawaida". Kiukweli, ni Mama Yetu mwenyewe ambaye anahusianisha jumbe zake mwenyewe kwa kuziwasilisha"kwa thamani isiyo na kifani ya Neno lililofunuliwa katika Maandiko Matakatifu": "Msiende kutafuta vitu vya ajabu, bali ichukueni Injili, isome na kila kitu kitakuwa wazi kwenu (12.11.1982). Kidokezo pia kinaonesha kuwa ni shida jumbe hizo ambazo zinahusisha maneno "mpango wangu,"  na Mama, maneno ambayo "yanaweza kuchanganya. Kiukweli, kila kitu ambacho Maria anafanya kila mara huwa katika huduma ya mpango wa Bwana." Hatupaswi kufanya makosa ya kumpatia  Maria “mahali pa pekee na pekee kwa Mwana wa Mungu”.

Ibada ya umma imeidhinishwa

Hata kama hii haimaanishi tamko la nguvu isiyo ya kawaida, na kukumbuka kuwa hakuna mtu anayelazimika kuiamini, idhini - iliyotolewa na Askofu wa Mostar kwa makubaliano na Vatican - inaonesha kwamba waamini "wanaweza kupokea kichocheo chanya kwa maisha yao ya Kikristo kupitia pendekezo hili la kiroho na kuidhinisha ibada ya umma." Dokezo hilo pia linabainisha kuwa tathmini chanya ya jumbe nyingi za Medjugorje "haimaanishi kutangaza kwamba zina asili ya moja kwa moja isiyo ya kawaida." Mamlaka za kikanisa za mahali ilipo zinaalikwa kuthamini thamani ya kichungaji na "pia kukuza uenezaji wa pendekezo hili la kiroho". Mwishowe, Baraza la Kipapa la Mafundisho Tanzu ya Kanisa  inawaalika wale wanaokwenda Medjugorje “kukubali kwamba safari hazifanywi kukutana na wanaodaiwa kuwa waonaji, lakini kukutana na Maria, Malkia wa Amani.”