杏MAP导航

Na Angella Rwezaula, - Vatican.

Shambulio baya na la kuchukiza lililotokea Jumamosi tarehe 7 Oktoba 2023 huko Israeli mikononi mwa Hamas, ambalo lilimhuzunisha Papa Francisko, na ambaye alitoa rambirambi zake kwa wafiwa na majeruhi wote katika wimbi hili jipya la ghasia. Kwa maneno hayo ya kulaani na wakati huo huo, Katibu wa Vatican, Kardinali, Pietro Parolin, amefungua mkutano wa siku tatu ulioanza  Jumatatu tarehe 9 Oktoba 2023 kwenye Chuo Kikuu cha Kipapa cha Gregorian unaohusu “Nyaraka mpya za Upapa wa Pio  XII na maana yake katika mahusiano ya Kiyahudi na Kikristo."

Kardinali Partolin amesema "Nisingewahi kufikiria kuanza hotuba yangu leo ??kwa  wajibu wa kusikitisha kushiriki na kuwasilisha maumivu ambayo Baba Mtakatifu alielezea Dominika kwa kile kinachotokea katika Israeli." Amesema hayo Kardinali Parolin akiwa ameketi karibu na Riccardo Di Segni, Mkuu wa Kiyahudi jijini Roma. “Siku ya Sabato, katika sikukuu ya Simchat Torah, yaani furaha ya Torati, katika Israeli, kaka na dada wengi wa Israeli waliamka na shambulio baya na la kudharauliwa. Tuko karibu na familia za waathiriwa, maelfu ya waliojeruhiwa, waliopotea na waliotekwa nyara, sasa wako katika hatari kubwa."

Kardinali Parolin aidha alisema kwamba "Sinodi mjini Vatican linafuatilia kwa wasi wasi mkubwa vita vilivyochochewa, ambapo Wapalestina wengi huko Gaza pia wamepoteza maisha na wengi kuhama na kujeruhiwa". Kisha alisisitiza "ukaribu wake na sala pia kwa familia zao na kwa raia wote, wasio na hatia kabisa na  kuazima maneno ya Papa  Francisko aliyosema mara baada ya Tafakari na Sala ya Malaika Dominika tarehe 8 Oktoba kuwa: "Vita daima ni kushindwa kwa heshima na 'nafasi ya kutopata suluhishi." "Kwa bahati mbaya - aliongeza Kardinali Parolin - ugaidi, vurugu, ukatili na itikadi kali hudhoofisha matarajio halali ya Wapalestina na Waisraeli". Matumaini yake ni kwamba "silaha zitanyamazishwa na sababu hiyo itatawala na kutumika kusimamisha na kutafakari njia sahihi ya kufikia amani ya Israeli na Palestina".

Tayari akiwa kando ya hafla hiyo, alifikiwa na waandishi wa habari nje ya Chuo Kikuu cha Kipapa,  ambapo Kadinali Parolin  alikuwa ameomba suluhisho la "kujaribu kuweka misingi ya tatizo la kuishi pamoja kati ya Wapalestina na Waisraeli kwa kutekeleza zana za diplomasia za kimataifa."  "Mpaka tatizo hilo litatuliwe, hadi njia ya amani ipatikane, mambo haya daima yatahatarisha kujirudia yenyewe na daima kwa ukatili mkubwa," alionya Kardinali Parolin. Pamoja na waandishi wa habari alishirikisha juu ya "mvurugano wa misukosuko inayotokea ulimwenguni katika wakati huu wa kusikitisha" hata zaidi sasa na kuzuka kwa vita hivi vya kweli katika Nchi Takatifu. Hasa, kadinali Parolin  alionesha uchungu katika historia ambayo inaonekana kujirudia kwa: “Tulifikiri kwamba majanga yaliyotokea katika miaka ya 1900 yalikuwa ni mambo ya zamani, ambayo hayangerudiwa tena. Badala yake ni lazima tutambue kwa huzuni mkubwa na mkanganyiko mkubwa kwamba tunarudia makosa yale yote ya zamani. Historia haijatufundisha chochote ... ".

Kuhusiana  na jinsi ya kurekebisha? Kwa "Hakika alisema kadinali kuwa itabidi kuwe na dhamira ya kila mtu kujaribu kwanza kabisa kuzuia mzozo huu ambao umezuka kwa njia ya kushangaza kabisa. Angalau kwa upande wetu, hakuna aliyefikiri kwamba kile kilichoachiliwa kingeachiliwa. Kisha kutekeleza zana zote za kidiplomasia." Kwanza, alisisitiza Kardinali Parolin kuwa, tunahitaji kushinda athari hii ya awali ambayo ni vigumu kufikiria juu ya mambo, kwa sababu  sisi sote tumeshikwa na hisia za kile kinachotokea ...". Kwa sasa kila kitu kinaonekana kuwa kigumu sana, lakini wakati wa kujitenga utakuja na pale,  itabidi tuanze kutafakari pamoja," alisisitiza Kardinali. Na ombi la mwisho, hatimaye, kutoka kwa Kardinali Parolin alisema: "Lazima tupate hali zinazoturuhusu kuishi kwa haki", kwa sababu kama vile Papa Pio XII alivyo sema kuwa  "amani ni tunda la haki." Kwa hiyo ni kutafuta njia ya kutatua tatizo hili la kutisha la uhusiano kati ya Wapalestina na Waisraeli kwa misingi ya haki. Ni hili litaweza  kuhakikisha amani shwari na kuishi pamoja tu kwa amani na matunda kati ya watu hao wawili".