Papa Francisko akutana na ujumbe wa Klabu ya Magari ya Italia:Elimu na utunzaji wa mazingira
Na Angella Rwezaula – Vatican.
Baba Mtakatifu Francisko, Alhahamisi tarehe 23 Januari 2025 alikutana na Marais na Wakurugenzi wa Shirikisho la Vilabu vya Magari nchini Italia. Katika hotuba yake ameonesha furaha ya kukutana nao mwanzoni mwa Mwaka huu wa Jubilei ambao unatutaka tuwe "mahujaji wa matumaini." Jambo muhimu zaidi katika Hija ni kuweka lengo na kuchukua hatua zote muhimu ili kuifikia, bila kupotoshwa njiani, bila kupoteza nguvu ya thamani kwa malengo ya pili, bila upotovu huo ambao huishia kusahau lengo ili kugundua na kuona hatima yake. Papa Francisko aliongeza kusema: “Inashangaza ... wakati mwingine unaanguka kwenye njia isiyo na mahali pa kupita(labyrinth) na kusahau lengo ... kutangatanga kwa maisha ...” Hija hubeba hatari za kuchukua njia mbaya na ni kweli -, ya kujikuta katika shida au kuhisi kupotea. Kwa hivyo, Jubilei inaweza kuwa kwa kila mmoja wetu fursa ya kuwa mwanzo mpya, wakati mwafaka wa kuhesabu upya njia za maisha yetu, kubainisha hatua za kimsingi zisizopaswa kuwa msingi na zile ambazo badala yake zinaweza kuwa kikwazo cha kufikia lengo.
Kuna ukweli huu Papa amebainisha tena kuwa: "hatujasimama tuli, lakini tujikuta kila wakati, njiani kuelekea marudio. Na kile kinachobakia, kutuhama, hufanya kama inavyotokea maji, kwa sababu yakituama bila kutiririka yanaharibika. Lakini marudio sio tu marudio yoyote, bali ni marudio ya kushirikiana, ya udugu na furaha kwa kadiri iwezekanavyo katika ulimwengu huu, pamoja na nuru yake na majaribu yake, yaliyo wazi kwa furaha ya uhakika katika ushirika wa Yesu, Maria na watakatifu wote. Kwa hivyo, msikate tamaa kamwe, lakini amuanze tena kila wakati. Ni fumbo letu kidogo la kuanza upya kila wakati. Na katika suala hili, ningependa kutafakari kwa ufupi maneno mawili, ambayo huwa ni njia za kufuata ili kutoa matumaini kwa sasa na kujenga mustakabali mzuri wa elimu na mazingira. Maneno haya mawili ni muhimu."
Papa Francisko alisema: "Tuanze na elimu. Kuna haja ya utamaduni wa kuheshimu na usalama barabarani kuanzia shuleni. Programu za mafunzo mnazokuza zinazohusisha wanafunzi ni mchango halali wa kuelimisha uraia hai. Kupitisha tabia ya uwajibikaji, kuheshimu sheria, kuwa na ufahamu wa hatari husaidia kuishi kwa raia na kufikia lengo la "waathiriwa sifuri barabarani.".Hili ni lengo lililo wazi, na ni mpango lakini kwanza kabisa ni wajibu wote. Kusafiri kunafanya kuwa wimbo wa kujifunza, kukutana na sio kukosa mateso, kulia au hata kufa." Kwa sababu hiyo Papa Francisko aliwahimiza, "kuendelea katika kujitolea kwao kuongeza ufahamu na mafunzo: hii pia ni njia ya kukuza na kutetea maisha."
Neno la pili, linalohusiana karibu na "elimu, " Papa alisema ni mazingira. "Idadi ya magari, matumizi ya nishati isiyoweza kurejeshwa na gharama ya mafuta, uchafuzi wa mazingira na foleni ni baadhi ya mambo ambayo yana athari isiyoweza kuvumiliwa na nyumba ya kawaida na kwa wale wote wanaoishi humo. Ubora wa maisha uko hatarini! Kwa sababu hiyo ni haraka kufanyia kazi changamoto hizi kwa umakini na azma, pia kupitia uundaji wa miungano ili kuhimiza uendelevu." Aidha Papa alisema kuwa " Katika sekta hii, teknolojia tayari inatoa fursa muhimu na zana mbalimbali, wengine hakika zitapatikana. Tunahitaji kuwa na mtazamo mpana, kutafuta, kama mnavyofanya tayari kwa ushirikiano na vitendo vya kawaida vinavyofaidisha kila mtu, kufanya uhamaji kuwa endelevu na kufikiwa." Papa Francisko aidha alisisitiza kuwa kwa miaka 120 wamekuwa wakiwatumikia wananchi, wakiendana na wakati. Katika zama hizi zinazobadilika, wandelee kuweka watu, ustawi wao na usalama wao katikati. Papa amewakabidhi wao familia zao na kazi zao kwa Mtakatifu Christopher, mlinzi wa madereva wa magari. Amewabariki na tafadhali ameomba wamwombee.