杏MAP导航

Vatican News

Mwanamke, ni kielelezo akisi cha Kanisa lenye uso wa kike. Mapadre na kashfa ya mitazamo ambayo inaweza kuwa mitazamo na mamlaka. Kanisa, wakati mwingine limepunguzwa na kuwa kama duka kuu la wokovu lenye orodha ya bei za sakramenti, kisha ukasisi, ambao ni kama mjeledi ambao unaharibu watu watakatifu wa Mungu. Haya ni baadhi ya tafakari ambazo Baba Mtakatifu Francisko alitoa mnamo alasiri Jumatano tarehe 25 Oktoba 2023 kwa washiriki wa Sinodi waliokusanyika katika Ukumbi wa  Paulo VI mjini Vatican kwa ajili ya mkutano mkuu wa 17, ambapo maelekezo ya jumla yalifanyika kwenye hati ya muhtasari ambayo itachapishwa Jumamosi Oktoba 28. Lakini kwanza, kabisa maneno ya Papa ambaye, alikuwa ameketi kama kawaida kwenye meza kuu, alitaka kuvutia, kwa lugha ya Kihispania, kwa Kanisa kama Watu wa Mungu. Watu hawa ambao wanashiriki Sinodi walitumiwa Barua na kwamba wameonesha hamu ya kumsikiliza “kila mtu”.

Kanisa, watu waamini wa Mungu

“Ninapenda kufikiria Kanisa kama watu waaminifu wa Mungu, watakatifu na wenye dhambi, watu walioitwa na walioitwa kwa nguvu ya heri na Mwinjili  Mathayo 25, alianza hivyo Papa  Francisko. “Yesu, kwa ajili ya Kanisa lake, hakufuata mtindo wowote wa kisiasa wa wakati wake: wala Mafarisayo, wala Masadukayo, wala Waeseni, wala Wazeloti. Hakuna 'shirika lililofungwa', alishika  mapokeo tu ya Israel: ‘Mtakuwa watu wangu, nami nitakuwa Mungu wenu'.” “Ninapenda kufikiria Kanisa kama watu rahisi na wanyenyekevu wanaotembea katika uwepo wa Bwana,alisisitza tena Papa. Na inapendeza hata zaidi kusema juu ya watu watakatifu wa Mungu. Watakatifu na mwenye dhambi, hakika, lakini watu waaminifu.”

Asiyekosea katika imani

Mojawapo ya sifa za watu hawa ni “kutokosea” kwao: “Ndiyo, ni lazima kusemwa: wao hawana dosari katika imani.... “Infallibilitas in credendo”, kama Waraka wa Lumen Gentium anavyosema”. "Ukitaka kujua nini maana ya Mama Kanisa, soma Majisterio, yaani mafundisho ya Kanisa, lakini ukitaka kufikiri kama Kanisa, wageukie watu,” aliongezaBaba Mtakatifu. Pia ni kutoka kwa watu hawa kwamba wajumbe  wa uongozi hutokea; ni kutoka katika watu hawa kwamba walipokea imani, alisisitiza Papa. Kama ilivyo katika matukio mengine mengi, kwa kukumbuka mama, bibi kwamba: “Mama yako na bibi yako, Paulo alimwambia Timotheo”, kwa hiyo:  “Imani hupitishwa kwa lugha ya kike. Kwa kutoa mifano kama mama wa Wamakabayo ambaye alizungumza kwa lugha ya mama na watoto wake.

Kwa hiyo Baba Mtakatifu Francisko aliendelea kueleza: “Ninapenda sana kufikiri kwamba katika watu watakatifu wa Mungu, imani daima hipitishwe kwa lugha mama, na kwa ujumla katika lugha za kike. Sio tu kwa sababu Kanisa ni mama na ni wanawake hasa wanaolitafakari vyema zaidi.” Katika hilo, kuna tofauti kuhusu umuhimu wa wanawake katika Kanisa: “Kanisa ni mwanamke, lakini kwa sababu ni wanawake wanaojua kusubiri, wanaojua jinsi ya kugundua rasilimali za Kanisa, za watu waamini, wanapita wenyewe, labda kwa woga lakini kwa ujasiri na kwa uwazi lile giza la siku inayoanza, walikaribia kaburi wakiwa na angalizo, bila tumaini, kwamba kunaweza kuwa na kitu kilicho hai. Mwanamke ni kielelezo cha Kanisa, Kanisa ni la kike, ni mke na mama.” Papa amesisitiza

Ulimwengu unawatendea vibaya watu wa Mungu

Watu ambao hata hivyo “wanaendelea kusonga mbele kwa subira na unyenyekevu”: “Kwa uvumilivu kiasi gani wanapaswa kuvumilia ubadhirifu, dhuluma, kutengwa na ukasisi uliowekwa kitaasisi", ameshangaa Papa Francisko. “Na kwa kiasi gani tunazungumza kuhusu 'wakuu wa Kanisa', au kupandishwa cheo kwa maaskofu kama ukuzaji wa taaluma! Kwa hiyo, “wahudumu wanapozidi utumishi wao na kuwatendea vibaya watu wa Mungu, wanaharibu sura ya Kanisa, wanaliharibu kwa mitazamo ya kimbelembele na ya kidikteta,” Papa hapendezwi.  “Ni uchungu, kukuta katika ofisi fulani za parokia orodha ya bei ya huduma za sakramenti kama katika duka kubwa. Kwa hiyo kwa mara nyingine tena Papa ameonesha uchungu sawa, hata maumivu, kwa mapadre vijana ambao amesema tunawaona katika maduka ya washonaji wa kikanisa wanaojaribu kassoksi na kofia au nguo na bobbins na lace”. Inatosha, kiukweli ni kashfa! Ukleri ni mjeledi, pigo, aina ya ulimwengu unaochafua na kuharibu uso wa bibi-arusi wa Bwana, unaowafanya watumwa watakatifu na waamini wa Mungu."