Chuo Kikuu Bethlehem:Wanafunzi watuma barua kwa Papa na kumuombea
Na Angella Rwezaula – Vatican.
Wanafunzi wa Chuo Kikuu cha Bethlehem wameendeleza sala zao za dhati na msaada kwa Baba Mtakatifu Francisko wakati wa ugonjwa wake. Katika barua iliyotiwa saini na mkuu wa Seneti ya Wanafunzi, Kikundi cha Vijana cha Kikristo, na wanafunzi kutoka chuo vyuo vyote, walionesha mshikamano wao na shukrani za kina kwa kujitolea kwa Papa kwa haki, utu na amani. Ndugu Hernán Santos González, FSC, PhD, Makamu Mkuu wa Chuo Kikuu cha Bethlehem, alishirikisha maoni yake kuhusu ujumbe wa wanafunzi kwa Baba Mtakatifu, huku akisisitiza jukumu la kipekee la chuo kikuu kama jumuiya ambapo wanafunzi wa Kiislamu na Wakristo hujifunza na kukua pamoja katika imani na huduma. "Ujumbe wao unaonesha moyo wa Chuo Kikuu cha Bethlehem - mahali pa umoja na amani, waliojitolea sana kushikilia maadili ambayo Papa Francisko ni mabingwa bila kuchoka," alisema.
BARUA YAO ILICHOCHEWA NA UJUMBE WA PAPA WA MAJILIO
Katika barua yao, wanafunzi walichochewa na maneno ya Papa Francisko katika barua yake ya Majilio kwao, ambapo aliwatia moyo ‘wasijitafute kamwe “kujiendea peke yako.”’ Wakirejea maoni hayo, walimhakikishia Baba Mtakatifu kwamba yeye, pia, hayuko peke yake katika safari yake. “Tunapaza sauti yetu kwa umoja katika sala kwa ajili ya kupona haraka, ili kuendelea kupaza sauti yako kwa ajili ya amani, haki, na heshima ya utu wa kila mwanadamu,” wanafunzi waliandika.
TUNAOMBA BARAKA WAKATI HUU HATARI
“Kutoka Bethlehemu, mahali alipozaliwa Kristo, tunaomba baraka juu yako katika wakati huu hatari: Mungu aliye mwingi wa rehema awaongoze madaktari wako, akurudishe afya yako, na afanye upya nguvu zako za kutumikia Kanisa ambalo linajifunza kutumikia ulimwengu pamoja nawe. Amina.” Barua hiyo, iliyotiwa saini na Rais wa Seneti ya Wanafunzi, George Imad Ghanem na mwakilishi wa wanafunzi Laura Musallam, inaonesha jinsi wanafunzi wa Chuo Kikuu cha Bethlehem wanavyovutiwa na Papa Francisko na kujitolea kwao kwa wito wake wa umoja na huruma.
KUKUZA UWAJIBIKAJI,MAADILI NA USTADI
Chuo Kikuu cha Bethlehem, taasisi ya Kikristo ya Kikatoliki inayoongozwa na Shirika la Lasallian, ni nuru ya mazungumzo ya dini mbalimbali na ubora wa kitaaluma. Kinatoa elimu ya mabadiliko, ya utafiti, na inayoshirikishwa na jamii ambayo inakuza mtu mzima - kukuza uwajibikaji wa maadili, ustadi wa kitaaluma, na kujitolea kwa uraia wa kimataifa. Kwa kukita mizizi katika roho ya mshikamano na matumaini, kupitia mipango kama hii, Chuo Kikuu cha Bethlehem huwapa wanafunzi uwezo wa kuwa viongozi wenye huruma wanaotumikia na kuhamasisha mabadiliko katika jamii zao na kwingineko.
