Vatikan: lule dhe bim? nga Italia e Holanda, p?r Jav?n e Pashk?ve
R.SH. / Vatikan
Mijëra lule dhe bimë shumëngjyrëshe, ardhur nga Italia dhe Holanda, do të zbukurojnë Sheshin e Shën Pjetrit dhe Bazilikën e Vatikanit për kremtimet e Javës së Madhe të Pashkëve. Punonjësit e Shërbimit të Kopshteve dhe Mjedisit të Drejtorisë së Infrastrukturës e Shërbimeve të Guvernatoratit të Shtetit të Qytetit të Vatikanit po kujdesen për rregullimin e tyre, me krijime artistike, në bashkëpunim me ata që dhuruan bimë dhe lule.
Degë ulliri nga Lacio
Nesër, 13 Prill, e Diela e Palmave, do të shpërndahen 200 mijë degë ulliri dhe 150 palma siguruar nga Shoqata Kombëtare e Qyteteve të Naftës dhe Rajoni i Lazios. Konkretisht: 100 mijë degëza vijnë nga Tenuta Castel di Guido dhe ofrohen nga Bashkia e Romës, 100 mijë të tjera u mblodhën nga 46 Qytetet e Naftës së Lazios. Homazhi i Qyteteve të Naftës sjell me vete kërkesën për një paqe përfundimtare dhe të qëndrueshme në Gaza dhe Ukrainë dhe një mesazh afërsie me popullsitë-viktima të të gjitha luftërave në botë, siç thuhet në një njoftim për shtyp nga Shoqata Kombëtare e Qyteteve të Naftës.
"Pema e ullirit na mëson të jetojmë në harmoni sepse është simbol i paqes. Por paqja mund të krijohet vetëm së bashku," thotë Presidenti Michele Sonnessa. "Lufta nuk e fal askënd! Di të mbjellë vetëm vdekje dhe varfëri, ndërsa qytetërimi mbin në paqe. Nuk ka paqe pa dialog e pa njohje reciproke, ashtu si nuk ka aleancë pa të mirën e përbashkët. Shtetet e botës duhet ta marrin menjëherë këtë angazhim konkret". Synimi i Shoqatës është gjithashtu të sjellë kulturën, identitetin dhe traditat e Qyteteve të Naftës në Sheshin e Shën Pjetrit, me shpresë për paqen në Evropë dhe në botë, shpjegon nënkryetari Alfredo D'Antimi.
Dhurata e Rrugës Neokatekumenale
Shpërndarja e disa “palmave feniks”-dhuruar nga Rruga Neocatechumenale - do të merret nga Zyra e Kremtimeve Liturgjike të Papës, e nuk do të mungojnë as palmurelet e gërshetuara tradicionale, të furnizuara nga sipërmarrja individuale Errico Grazia e Sanremos. Ullinj të mëdhenj do të pozicionohen edhe nga kompania romake e hortikulturës Flora Olanda.
Ekspertë nga Holanda dhe Sllovenia, në Romë për festimet e Pashkëve
Natën e Pashkëve, më 19 prill, në Bazilikën e Shën Pjetrit, do të krijohen dekorime me lule nga punonjësit e Shërbimit të Kopshteve dhe Mjedisit të Guvernatoratit të Qytet Shtetit të Vatikanit, falë edhe kontributit të profesorëve të floristikës së Qendrës Bioteknologjike të Naklo-s, si dhe të një profesoreshe të Qendrës së Bioteknologjisë së Sllovenisë.
Më në fund, në solemnitetin e Pashkëve, të dielën, 20 prill, Sheshi i Shën Pjetrit do të zbukurohet me mijëra lule dhe bimë të rritura në Holandë. Dekorimet do të krijohen falë kontributit bujar të luleshitësve holandezë, në bashkëpunim me mjeshtrat e Shërbimit të Kopshteve e Mjediseve.
