Papa n? Gemelli, p?rmir?sime t? lehta nga pik?pamja respiratore dhe motorike
R.SH. / Vatikan
Gjendja shëndetësore e Papës, i shtruar në spital për mbi tridhjetë ditë në Poliklinikën Gemelli, është e qëndrueshme me përmirësime të lehta falë terapisë respiratore dhe motorike. Kështu njofton Zyra e shtypit e Selisë së Shenjtë mbrëmjen e sotme, 17 mars, duke dhënë një përditësim mbi gjendjen shëndetësore të Françeskut.
Siç pritej, nuk është publikuar asnjë buletin mjekësor. Në informacionin e dhënë gazetarëve, Zyra e Shtypit sqaron se Papa përdor më pak oksigjenimin me fluks të lartë me kanulat e hundës dhe ndonjëherë mund të bëjë edhe pa oksigjenoterapi. Gjatë natës përdor ajrimin mekanik joinvaziv.
Kjo do të shpjegonte faktin se në foton e bërë dhe publikuar dje, të dielën 16 mars – fotoja e parë që nga dita e shtrimit në spital – Papa Françesku shfaqej pa oksigjen. Gjithnjë sa i përket fotos, ënjtja e dorës që dukej në shkrepje është për shkak të lëvizjes së reduktuar, por që sot është përmirësuar.
Dita e Papës ishte e ngjashme me ditën e djeshme: lutje, pushim dhe pak punë.
Buletini o ardhshëm mjekësor pritet të mërkurën. Nesër mbrëma Zyra e Shtypit e Selisë së Shenjtë do të japë disa informacione të përgjithshme për gazetarët siç bëri sot.
