Papa n? Gemelli: kushtet po p?rmir?sohen, prognoza mbetet e rezervuar
R.SH. / Vatikan
"Gjendja klinike e Atit të Shenjtë në 24 orët e fundit ka treguar një përmirësim të mëtejshëm dhe të lehtë. Pamjaftueshmëria kronike e veshkave (insuficienca renale kronike) e lehtë e gjetur ditët e fundit është ulur. Skanimi CT i gjoksit, i kryer mbrëmë, tregon një evolucion normal të figurës së inflamacionit pulmonar. Testet klinike hematokimike dhe hemakrocitometrike të sotme konfirmuan përmirësimin e djeshëm.
Ati i Shenjtë vazhdon terapinë me oksigjen me rrjedhje të lartë; edhe sot nuk ka paraqitur kriza respiratore astmatiforme. Fizioterapia respiratore vazhdon. Edhe pse shënohet një përmirësim të lehtë, prognoza mbetet e rezervuar. Gjatë mëngjesit, Ati i Shenjtë mori Eukaristinë. Pasdite iu kushtua aktiviteteve të punës”.
Kështu njofton sot në mbrëmje buletini i Zyrës së Shtypit të Selisë së Shenjtë, në lidhje me gjendjen shëndetësore të Papës, i cili është shtruar në Poliklinikën Gemelli që dymbëdhjetë ditë.
