Imzot Gallagher b?n thirrje p?r nj? zon? mesdhetare paqeje
R.SH. / Vatikan
I ftuar për të folur në Asamblenë Plenare të Mesdheut, organizuar nga Parlamenti Italian, Sekretari i Selisë së Shenjtë për Marrëdhëniet me Shtetet dhe Organizatat Ndërkombëtare, Imzot Paul Richard Gallagher, kujtoi vlerën e punës për ndërtimin e kulturës së paqes në brigjet e Mesdheut. Asambleja Parlamentare e Mesdheut (PAM) u themelua në vitin 2005 si platformë për dialog politik dhe bashkëpunim parlamentar në rajonin euro-mesdhetar dhe në atë të Gjirit. PAM i kryen shumicën e veprimtarive të saj përmes tre komiteteve të përhershme: të bashkëpunimit politik rajonal dhe çështjeve të sigurisë; bashkëpunimit ekonomik, social dhe mjedisor; dialogut të qytetërimeve dhe të drejtave të njeriut.
"Të gjitha këto veprimtari, siç e tregon objektivi kryesor i Pam, synojnë të krijojnë një hapësirë ??paqeje dhe prosperiteti për popujt"- kujtoi Imzot Gallagher. Me fjalë të tjera, Pam u themelua me vizionin fisnik për ta vënë njeriun në qendër të të gjitha veprimtarive".
Të vihet njeriun në qendër
“Doktrina Shoqërore e Kishës ka mbështetur gjithnjë mendimin sipas të cilit njeriu, i krijuar sipas shëmbëlltyrës dhe ngjashmërisë së Zotit, ka vlerë të paçmueshme dhe zotëron dinjitet unik njerëzor, që duhet mbrojtur e për të cilin autoriteti civil ka për detyrë të punojë për të mirën e përbashkët” - vazhdoi ipeshkvi-diplomat, duke cituar fjalimin e Papës Françesku përpara “Parlamentit Europian, i cili pati kujtuar se “qendërsi e njeriut do të thotë të pranosh se ai zotëron të drejta të patjetërsueshme, të cilat nuk mund t'i hiqen sipas dëshirës së disave dhe, aq më pak, sipas përfitimeve të interesave ekonomike”.
Detyra e parlamentarëve
Për ta krijuar këtë hapësirë ??që mbron gjithmonë dinjitetin, roli i deputetëve është themelor - theksoi më tej përfaqësuesi i diplomacisë së Selisë së Shenjtë. “Si parlamentarë, ju keni detyrën fisnike të krijoni kanalet e drejta politike, ekonomike dhe sociale për të mirën e popujve që përfaqësoni në rajonin euro-mesdhetar dhe të Gjirit” - theksoi - Prandaj është themelore që kriteri dhe motivimi i politikanit të mos jetë suksesi e, aq më pak, përfitimi material, por kërkimi i drejtësisë. “Detyra themelore e një politikani është t'i shërbejë asaj që është e drejtë dhe të luftojë kundër asaj që mund të kërcënojë të vërtetën dhe mirësinë. Në të vërtetë, drejtësia duhet të jetë shqetësimi juaj kryesor, duke synuar krijimin e kushteve të drejta për të gjithë dhe duke luftuar kështu politikat dhe strukturat që mund të favorizojnë disa individë në dëm të të tjerëve" - nënvizoi Imzot Gallagher.
Në përfundim Diplomati kujtoi rëndësinë e Vitit Jubilar 2025 dhe dëshirat e Papës Françesku, në mënyrë që ky vit të jetë "rast për t’i rimenduar marrëdhëniet të cilat na lidhin si qenie njerëzore dhe bashkësi politike; për të shkuar përtej logjikës së ndeshjes e, përkundrazi, për të përqafuar logjikën e takimit”.
