Kard. Parolin: “feja ka rrezik t? shnd?rrohet n? veshje vet?m p?r t? diel?n”
R.SH. - Vatikan
Në kohën e sotme, ka rrezik që “feja të shndërrohet në veshje vetëm për të dielën”. Këtë theksoi Sekretari i Shtetit të Vatikanit, kardinali Pietro Parolin, në meshën e kremtuar në bazilikën romake të Shën Vitalit, me rastin e 25-vjetorit të kujdesit të pandërprerë baritor për besimtarët rumunë të ritit latin në Romë.
Gjatë homelisë, duke përmendur kohët në të cilat krishterimi ishte ende i pandarë, kardinali i ftoi njerëzit të kujtojnë se feja ''është e domosdoshme për të rigjetur identitetin. Është edhe më shumë në një kohë, që shumë e konsiderojnë 'të lëngshme' dhe që ne të gjithë e përjetojmë si aq të shpejtë sa nganjëherë të pengon të ndalesh" për të pushuar e për të reflektuar.
"Vuajtjet e shoqërisë dhe trazirat e historisë - vuri në dukje ai më tej – nuk duhet ta shqetësojnë Mbretërinë e Hyjit, që është brenda nesh, që është vetë Zoti, sepse shpirti ynë është i rrënjosur dhe i bazuar në dashurinë e Tij, i ankoruar në Atë, që është shkëmbi, me një shpresë, të Tijën, e cila është siguri: nuk janë elementet e kozmosit apo të rastësisë, që qeverisin botën dhe njeriun, por një Zot personal. Nëse e njohim këtë Person e Ai na njeh ne, atëherë pushteti i pashmangshën i elementeve materiale nuk e ka fjalën e fundit”, përfundoi kardinali Parolin, duke cituar enciklikën “Spe Salvi” të Papës Benedikti XVI.
