Telefonat? e Pap?s me kryeministrin spanjoll: konfliktet, emigracioni, dinjiteti njer?zor
R.SH. - Vatikan
Bisedë telefonike, mbrëmë, ndërmjet Papës Leoni XIV dhe kryeministrit spanjoll, Pedro Sánchez Pérez-Castejón. Njoftimin e dha Salla e Shtypit e Selisë së Shenjtë, duke shpjeguar se, gjatë bisedës, Ati i Shenjtë falënderoi Mbretin Philip dhe Mbretëreshën Letizia për praninë e tyre në kremtimin eukaristik për fillimin e shërbimit pjetrin.
"Gjatë bisedës - vazhdon njoftimi për shtyp – u diskutuan tema me interes të ndërsjellë, duke përfshirë krizën e migracionit, nevojën për të ndërtuar ura për zgjidhjen e konflikteve të vazhdueshme dhe për mbrojtjen e dinjitetit njerëzor".
Së fundi, përfundon nota, “pasi u fol për Konferencën IV Ndërkombëtare mbi Financimin e Zhvillimit, që do të mbahet në qershor në Sevilje, kreu i qeverisë së Spanjës i bëri sërish ftesë Atit të Shenjtë për të vizituar vendin”.
