Leoni XIV: L?mosha e Pjetrit, shenj? bashkimi me Pap?n
R.SH. / Vatikan
“Në këtë festë kremtohet edhe Dita e Lëmoshës së Shën Pjetrit, shenjë bashkimi me Papën dhe pjesëmarrjeje në shërbesën e tij apostolike. Falënderoj nga zemra ata që, me dhuratën e tyre, mbështesin hapat e mi të parë si Pasardhës i Pjetrit”.
Janë fjalët e Papës Leoni XIV në përfundim të lutjes mariane të Engjëllit të Zotit, kremtuar so në Sheshin e Shën Pjetrit në Vatikan. Kujtojnë se më 29 qershor është solemniteti i Shenjtorëve Pjetër e Pal, ditë tradicionalisht e caktuar për mbledhjen e donacioneve, në mbështetje të misionit të tij në shërbim të Kishës universale. Kuptimi i Lëmoshës së Pjetrit, praktikë shekullore solidariteti në mbështetje të Papëve, është ndihmë për shpalljen e mesazhit të krishterë, promovimin e paqes dhe kontributin për t’i ndihmuar ata që jetojnë në varfëri.
Mbështetini hapat e Leonit XIV
Në mbështetje të kësaj nisme, Sekretaria e Vatikanit për Ekonominë dhe Dikasteri i Selisë së Shenjtë për Komunikim i Selisë së Shenjtë përgatitën materiale informuese dhe multimediale, që shpjegojnë kuptimin e saj. Në faqen zyrtare të internetit, është e mundur të kontribuoni me një donacion në kanale dixhitale të sigurta.
Lëmosha e Shën Pjetrit: në vitin 2024 u shtuan të ardhurat për misionin e Papës
Disa ditë më parë, u publikua raporti vjetor i fondit që mbledh donacionet e dhuruara për Papën. Në të theksohet se në vitin 2024, të ardhurat e Lëmoshës së Pjetrit arritën në 58 milionë euro, rritje krahasuar me vitin 2023 (52 milionë). 13.3 milionë euro u ndanë për të mbështetur 239 projekte ndihme sociale dhe financiare në 66 vende në të gjitha kontinentet (gjashtë milionë më shumë se në vitin 2023).
