Papa pret president?t e Perus? dhe t? Ukrain?s
R.SH. - Vatikan
Papa Leoni XIV pati dy takime në Vatikan, në prag të kremtimit eukaristik për fillimin e shërbesës pjetrine.
Së pari, ai përshëndeti presidenten e Perusë, Dina Ercilia Boluarte Zegarra, e cila shkroi në platformën X se i çoi Atit të Shenjtë afërsinë e popullit të Perusë. Pastaj, kujton se Ipeshkvi i ri i Romës është "shërbëtor të Zotit, që i kushtoi shumë vite misionit ungjillëzues dhe shërbimit ndaj më nevojtarëve të vendit".
Më pas, Leoni XIV priti në audiencë presidentin ukrainas Volodymyr Zelensky, së bashku me të shoqen, Olena Zelenska. Edhe ai shkruan në platformën X se i është mirënjohës Papës për fjalët e thëna në lutjen e Mbretëreshës Qiellore për Ukrainën, në veçanti, përsa i përket “nevojës për një paqe të drejtë", sepse "çdo komb meriton të jetojë në paqe dhe siguri". Së fundi, urimi për misionin në të cilin është i thirrur Ati i Shenjtë me shpresën që të dëgjohen lutjet "për një paqe të drejtë dhe një jetë dinjitoze për të gjithë".
