杏MAP导航

R.SH. / Vatikan

Papa, fjalë që në etnologjinë e saj latine fillimisht kishte kuptimin e ndërtuesit të urave, ka aleatë të çmuar për të mbrojtur dhe për të nxitur vëllazërinë. Janë ndërtuesit e paqes, duke përfshirë burra dhe gra që mbrojnë popullatat e ligshta në rajonet e tronditura nga tensionet dhe konfliktet. "Paqe mbi tokë: dëshirë e thellë e qenieve njerëzore të të gjitha kohërave" - shkruan Papa Gjon XXIII në enciklikën Pacem në Terris - "mund të vendoset dhe të konsolidohet vetëm duke e respektuar plotësisht rendin e vendosur nga Zoti". “Paqja e vërtetë - lexojmë më tej në këtë dokument - ??mund të fitohet vetëm me besim të anasjelltë”. Veprimtarët e paqes janë kampionët e këtij besimi, tharm i aftë për ta bërë familjen njerëzore të rritet vëllazërisht.

Papët dhe forcat e armatosura

Ushtria përbëhet nga ushtarë, përfaqësues të kombeve të ndryshme, por, mbi të gjitha, nga burra dhe gra të etur për Zotin dhe për paqen, dhuratë që e ka rrënjën më të vërtetë vetëm tek Jezusi. Gjatë viteve jubilare, mijëra përfaqësues të forcave të armatosura marrin pjesë në festime dhe shtegtime. Në këtë kuadër bie edhe jubileu i Forcave të Armatosura, i Policisë dhe i Sigurisë, planifikuar për të shtunën, 8 shkurt. Në këto raste, reflektimet e Papëve përshkohen gjithnjë nga një fjalë kyçe: paqe.

Thirrja për vëllazërim

Viti Shenjt 1950 ishte jubileu i parë, pas tmerreve të Luftës II Botërore. Në mesazhin e tij radiofonik të Krishtlindjes, më 23 dhjetor 1949, Papa Piu XII shprehu besimin se Jubileu, pas kohëve të tronditura nga luftimet e furishme ndërmjet ushtrive kundërshtare, do të ishte "viti i kthimit të madh, viti i faljes së madhe". E bëri thirrje: “Të kthehemi te planet e Zotit”.

Detyra e mbrojtjes së paqes

Në Vitin Shenjt 1975, Papa Pali VI kryesoi të dielën, 23 nëntor, një festë solemne në Sheshin e Shën Pjetrit, ku morën pjesë mbi 16,000 ushtarë. Formonin një përfaqësi të madhe të personelit ushtarak nga njëzet vende. "Ju jeni ushtarë; dhe padyshim pamja që ju portretizon si të tillë – pati theksuar asokohe Papa Montini - pasqyrohet në aspektin e forcës, të përpjekjes, disiplinës, zotësisë, guximit, vlerës. Por ushtari nuk është "i sigurt” për këtë arsye, as nuk i mjafton guximi i tij rinor. Thua mund të lutet?". Pse erdhët në Romë? - pyeti Papa Montini - "Ju erdhët - shpjegoi, sepse edhe ju jeni njerëz; e njeriu ka nevojë për Zotin, Krishtin, fenë, shëlbimin; e ndjen urgjencën për të kënaqur etjen e tij në takim me Birin e Zotit".

Një angazhim i përditshëm

Në vitin 2000, mijëra ushtarakë festuan Jubileun e Madh me Papën Gjon Pali II, i cili foli për paqen “si një e drejtë themelore e çdo njeriu". Papa Vojtila, bir i një ushtaraku polak, kujtoi "punën e paqtimit në vendet e shkatërruara nga luftërat absurde" dhe ndihmën e dhënë "popullsisë së goditur nga fatkeqësitë natyrore". Në predikimin e mbajtur më 19 nëntor të atij Viti Shenjt, Papa u ndal, më pas, në angazhimin e përditshëm për paqen.

Sot po mblidheni te Varri i Apostullit Pjetër për të kremtuar Krishtin "paqja jonë”, që bëri prej dy popujve një të vetëm dhe rrëzoi murin ndarës të armiqësisë" (Efesianëve 2:14). Atij, të pranishmit misteriozisht dhe vërtetësisht në Eukaristi, erdhët për t'i ofruar synimet tuaja dhe angazhimin tuaj të përditshëm si ndërtues të paqes.

Urat dhe bujqit

Në vitin 2016, gjatë audiencës jubilare, Papa Françesku u drejtoi përshëndetjen e tij përfaqësuesve të forcave të armatosura dhe policore, ardhur në Romë nga shumë vende të botës si shtegtarë me rastin e Jubileut të Jashtëzakonshëm të Mëshirës. Tema kryesore e kësaj ngjarjeje jubilare "Porta e tij është gjithmonë e hapur", na kujton se mëshira ka  hapësirë të madhe në realitetin ushtarak. Papa nënvizoi rolin themelor të ushtrisë në garantimin e sigurisë së njerëzve dhe institucioneve në të gjitha rajonet e botës.

Françesku iu drejtua ushtrisë me fjalët: “Bëhuni mjete pajtimi!

Ju bëj thirrje të mos çkurajoheni. Vazhdojeni udhëtimin tuaj të fesë dhe hapjani zemrat Zotit, Atit të mëshirshëm, i cili nuk lodhet kurrë duke na falur. Përballë sfidave të përditshme, bëjeni të shkëlqejë shpresën e krishterë, që është siguria e fitores së dashurisë mbi urrejtjen dhe të paqes mbi luftën.

Forcat e paqes

Fjalët e Papëve drejtuar përfaqësuesve të forcave të armatosura janë gjithmonë ftesë për t’u radhitur në anën e njeriut, të drejtësisë, të paqes. Nxitje, që jehon fuqishëm edhe në këtë Jubile shprese. Ndërmjet paqendërtuesve, mbi 76,000 janë burra dhe gra të Kombeve të Bashkuara, që vijnë nga më se 120 vende. Angazhohen në operacione paqeruajtëse në zonat e prekura nga konflikti në Afrikë, Azi, Evropë dhe në Lindjen e Mesme. Mbrojnë civilët, mbrojnë të drejtat e njeriut dhe forcojnë institucionet në disa nga vendet më të rrezikshme dhe më të paqëndrueshme të botës. Që nga operacioni i parë në vitin 1948, kur më shumë se 4,300 prej paqeruajtësve vdiqën gjatë kryerjes së misioneve në teatro komplekse ndërkombëtare. E nuk mund t’i harrojmë as kombet e copëtuara nga konfliktet, që e gjakosin ende botën sot. E as paqeruajtësit, që mbrojnë një mori refugjatësh në ikje nga lufta dhe të ardhmen e popujve.