Papa em?ron Kardinalin Koovakad Prefekt t? Dikasterit p?r Dialogun nd?fetar
R. SH. - Vatikan
Papa Françesku emëroi kardinalin indian George Jacob Koovakad, prefekt të ri të Dikasterit për Dialogun Ndërfetar. Pason kardinalin Miguel Ángel Ayuso Guixot, i cili ndërroi jetë në nëntor të vitit të kaluar. Kardinali vijon të kryejë edhe rolin e koordinatorit të shtegtimeve apostolike pranë Sekretarisë së Shtetit.
51 vjeç, Kardinali Koovakad lindi në Chethipuzha, Indi, më 11 gusht 1973. I shuguruar meshtar më 24 korrik 2004, u inkardinua në Changanacherry. I diplomuar në të Drejtën Kanonike, në vitin 2006 hyri në shërbimin diplomatik të Selisë së Shenjtë dhe u dërgua si sekretar në Nunciaturën Apostolike në Algjeri. Më pas, nga viti 2009, shërbeu në Nunciaturen Apostolike në Kore; nga viti 2012, në Nunciaturë në Iran; nga viti 2015, në Nunciaturë në Kosta Rika, si këshilltar dhe, nga viti 2018, në Nunciaturë në Venezuelë. Që nga viti 2020 punon në Sekretarinë e Shtetit, në seksionin e Punëve të Përgjithshme.
Në vitin 2021 Papa Françesku i besoi organizimin e shtegtimeve apostolike. Më 25 tetor 2024 u emërua Kryeipeshkëv titullar i Nisibis të Kaldeasve. Shugurimin episkopal e mori më 24 nëntor, në Changanacherry, nga Kryeipeshkvi i madh i Ernakulam-Angamaly i Siro-Malabarezëve, Raphael Thattil.
Në koncistorin e 7 dhjetorit 2024, u krijua kardinal i Diakonatit të Shëna Ndout të Padovës, në Circonvallazione Appia.
