Fran?esku n? Sh?n Marin? e Madhe fal?nderon Zoj?n p?r shtegtimin n? Lisbon?
R. SH. - Vatikan
Si zakonisht në përfundim të çdo shtegtimi apostolik, edhe këtë herë, pas kthimit nga Lisbona të dielë, më 6 gusht, në përfundim të Ditës Botërore të Rinisë, sot në mëngjes Françesku shkoi në Bazilikën e Shën Marisë së Madhe për t'iu lutur Zojës. Papa - njofton Salla e Shtypit e Vatikanit – u ndalua në lutje përpara ikonës së Virgjërës Salus Populi Romani, që gjithashtu shtegtoi këto ditë në Lisbonë, ku ishte një nga simbolet kryesore të gjithë ngjarjes, së bashku me Kryqin e Shtegtarit
Edhe para se të nisej për këtë shtegtim aq të dëshiruar, Françesku ishte te Nëna, për t'ia besuar shtegtimin e tij të 42-të apostolik dhe gjithë të rinjtë që do të merrnin pjesë në Ditën Botërore të Rinisë. Prandaj u kthye përsëri sot - për herë të 110-të që nga fillimi i papnisë - që ta falënderonte rishtas Nënën, për përfundimin e suksesshëm të shtegtimit në trojet lusitane, ku ishin të pranishëm më se një milion e gjysmë djem dhe vajza nga e gjithë bota.
