Papa pikturon muralin e t? rinjve: "T? ndotim duart, p?r t? mos ndotur jet?n"
R. SH. - Vatikan
"Keni pikturuar një Kapelë Sikstine". Kështu e quajti Françesku muralin 3 km të gjatë - më i gjati në botë - krijuar nga Scolas Occurrentes, quajtur “Jeta ndërmjet botëve”, mbi të cilin Papa la si kujtim penelatën e fundit. Në këtë vepër artistike morën pjesë të moshuar e të rinj, të pasur e të varfër, besimtarë e jo: lanë të gjithë një gjurmë mbi muralin!
Papa: i jep një penel muralit 3 km "është si Kapela Sikstine"
Gjatë takimit, Françesku bisedoi me të rinjtë duke iu përgjigjur pyetjeve të tyre për krizën dhe kaosin.
"Një jetë pa kriza është si uji i distiluar, e kotë" - tha Papa, duke nënvizuar se krizat duhet “të pranohen e të zgjidhen", por jo të krijohen. "Mos krijoni kriza" sepse "nuk është gjë e bukur", "është si të rrotullohesh, të rrotullohesh, të rrotullohesh”. Përkundrazi, duhet të ecim, e rrallë vetëm. Kjo është e rëndësishme: “përballimi i krizave së bashku".
Pas penelit të fundit në mural, Françesku dhuroi një pikturë të Samaritanit të Mirë duke i ftuar të gjithë "të jenë samaritanë të mirë" sepse "duhet t'i ndotim duart, për të mos i ndotur zemrat".
Pas daljes nga ndërtesa e vogël e Scholas Occurrentes në Cascais, Papa Françesku, së bashku me krerët fetarë të pranishëm, ndoqën të rinjtë, që mbillnin ullirin e paqes. Papa e ujiti i pari “drurin-simbolik”. "Lutuni për mua - i ftoi të pranishmit e - duke iu drejtuar atyre, që janë ateistë ose të besimeve të tjera, shtoi: “Ata, që nuk mund të luten të paktën të dërgojnë valë pozitive".
