Papa n? avion, me gazetar?t: b?jini t? njohura n? Per?ndim k?to kultura t? larg?ta
R. SH. - Vatikan
Papa tashmë është në Tajlandë, etapa e parë e shtegtimit të tij të 32-të apostolik, i katërti në Azinë lindore, që do të përfundojë në Japoni. Gazetarëve, që ishin me të në avion, para se t’i përshëndeste personalisht, u tha:
“Mirëmbrëma e faleminderit për shoqëriminm në këtë udhëtim. Ju falënderoj për punën tuaj. U bën shumë mirë njerëzve të informohen, t’i njohin këto kultura, që janë larg Perëndimit”.
Në shtegtim, drejt një bote të largët
Avioni papnor u nis në orën 19.15, me një çerek ore vonesë, nga aeroporti i Fiumicinos. Arriti në Bangkok në orën 12.30 me orën vendase (6.30 në Itali). Në aeroportin romak Papa, para se të ngjitej në avionin e Alitalias, një Airbus A330, i pagëzuar me emrin “Giovanni Battista Tiepolo”, përshëndeti autoritetet civile e fetare, që kishin dalë për ta përcjellë. Pastaj, si zakonisht, me çantën e zezë në dorën e majtë, ngjiti shkallët për të hyrë në avion. Para se të hynte, u përshëndet me komandantin e avionit, Alberto Colautti dhe asistentët e fluturimit, që po e prisnin. Së fundi, u kthye nga autoritetet e pranishme në tokë për një përshëndetje.
Para nisjes, takimi me dhjetë të moshuar
Para se të nisej, Papa u takua, në Shën Martë, me dhjetë të moshuar, të strehuar nga Motrat e Vogla të të Varfërve në San Pietro in Vincoli. Grupi shoqërohej nga Lëmoshtari papnor, kardinali Konrad Krajewski.
