Maria Magdalena u sjell apostujve lajmin e t? Ringjallurit
R.SH. / Vatikan
Shumë herë kujtimi i Magdalenës është përzier në imagjinatën kolektive me rrëfime dhe figura që në të vërtetë kanë pak të bëjnë me rolin që vetë Ungjijtë i atribuojnë kësaj proto-apostulle. Shën Maria e Magdalës (nga e cila vjen "Magdalena") ishte pjesë e grupit të grave që ndiqnin Jezusin, edhe për mirënjohje: ajo, në fakt, ishte shëruar nga një pushtim djajësh, sipas asaj që tregon Luka.
Magdalena u çlirua nga "shtatë demonë" (Lk 8,2) falë takimit me Krishtin: Ai na çliron nga hijet tona, na tregon e ofron dritën, Ai na do i pari. Kjo është arsyeja pse Maria iu bashkua dishepujve, duke qëndruar pranë Mësuesit Jezus deri në fund, edhe kur të gjithë ishin zhdukur, atje në Kalvar nën kryqin e Jezusit. Dëshira e saj për të qëndruar pranë Krishtit edhe pas vdekjes së tij e bëri Maria Magdalenën dëshmitare të Ringjalljes dhe kështu lajmëtaren e parë të Krishtit të Ngjallur, i cili e dërgon te apostujt për të shpallur atë që askush nuk e priste: fillimin e një jete të re për të gjithë njerëzimin, përuruar nga Jezu Krishti Gjallë. Për këtë arsye, Hipoliti Romak, teolog i shekullit të tretë, e quajti atë "apostulle e Apostujve".
