M? 3 qershor kalendari kujton Martir?t e Shenjt? t? Ugand?s (Karl Lwanga e 21 shok?t)
R. SH. - Vatikan
Më 3 qershor Martirologu Romak përkujton martirizimin e Karl Lwangës me 12 shokë, ndërsa në kalendarin e përgjithshëm përkujtohen të njëzet e dy martirët e Ugandës.
Feja e krishterë ka qenë gjithmonë një nxitje për ndërgjegjet: mesazhi i të Krishtit të Ngjallur nxjerr në dritë të gjitha kompromiset e vogla ose të mëdha që e bëjnë zemrën dhe jetën tonë skllave të logjikës së botës. Në vend të etjes për pushtet, Ungjilli tregon si stil e dëshmi gatishmërinë për të shërbyer: ky stil kundër rrymës ishte shkaku i martirizimit të dhjetëra të krishterëve midis viteve 1885 dhe 1887 në Ugandë. Sot Kisha përkujton Karl Lwanga-n së bashku me 21 martirë të tjerë ugandezë të lumturuar në vitin 1920 nga Benedikti XV dhe të kanonizuar nga Pali VI më 8 tetor 1964.
Persekutimi u urdhërua nga mbreti i ri Mwanga, i cili kishte studiuar në shkollën e misionarëve (Etërit e Bardhë të themeluar në 1868 nga kardinali Charles Lavigerie) por që më pas e kishte parë krishterimin si një rrezik, jo aq për kombin sa për stilin e tij të jetesës krejtësisht pa vlera. Kreu i shërbëtorëve mbretërorë, Carlo Lwanga, u dogj i gjallë më 3 qershor 1886.
Martirët e Ugandës, shembull i ekumenizmit të gjakut
Martirët e Ugandë i vranë në fund të shekullit të 19-të, vetëm e vetëm pse ishin të krishterë. Ata - dhe vëllezërit e tyre anglikanë - të bashkuar nga një fund tragjik, dëshmojnë edhe sot e kësaj dite fuqinë shndërruese të Ungjillit të Jezu Krishtit. Data 3 qershor ka vlerë të dyfishtë: është përvjetori i martirizimit të Karl Lwangës me 12 shokë, i kujtuar në Martirologun Romak, ndërsa në Kalendarin e Përgjithshëm, memoriali i përbashkët liturgjik i të njëzet e dy martirëve të Ugandës.
