Dialogu kristiano-islamik: nuk mund t? dor?zohemi p?rball? situat?s aktuale
R.SH. / Vatikan
"Ne, që besojmë në Zotin e Gjithëpushtetshëm dhe të Mëshirshëm (Kurani, Surja Al-Fâtiha) dhe në Zotin e Dashurisë (1 Letra e Gjonit 4,7) nuk mund të dorëzohemi përballë rënies aktuale të njerëzimit. Bota po e humbet njerëzimin; së bashku duam të përpiqemi ta rigjejmë". Kështu fillon thirrja e Ditës së XXIV Ekumenike të Dialogut Kristiano-Islamik e cila, këtë vit e titulluar "Në dialog për të rizbuluar njerëzimin", u botua në faqen e internetit .
Dita, e planifikuar për 27 Tetor 2025, lindi pas 11 Shtatorit 2001 për t’iu kundërvënë rrezikut të Islamofobisë shkaktuar nga sulmet në Kullat Binjake.
“Zoti, në të cilin besojmë - shkruan Komiteti Organizues - është Zoti i Paqes: të gjithë jemi bij dhe bija të Abrahamit, atit tonë në fe. Dhimbja që ndiejmë për çka po vuan popullsia e Gazës dhe popullatat e tjera të shkatërruara nga luftërat, duhet të na nxisë gjithnjë e më shumë t’i kundërvihemi luftës; të çlirojmë fetë tona nga bashkëpunimi me sistemet e sundimit, të bazuara në forcën e armëve; të çlirojmë emrin e Zotit nga çdo kompromis me dhunën”.
Ftesa është të “ecim në rrugën e vëllazërisë ndërmjet besimtarëve vëllezër e motra” e edhe me ata që “ëndërrojnë një familje të vetme njerëzore, në një ylber kulturash”. Komiteti na nxit të “mirëpresim farat e pajtimit ndërmjet palestinezëve dhe izraelitëve” siç është Neve Shalom Wahat Al-Salam dhe angazhimi i “Rrethit të Prindërve - Forumi i Familjeve” e “Luftëtarëve për Paqen”. Thirrja mbyllet me ftesën për të organizuar nisma paqeje e dialogu për Ditën e 27 Tetorit, duke shkruar në: redazione@ildialogo.org.
