Bangladesh, fituesi i ?mimit Nobel Yunus, n? krye t? qeveris? s? p?rkohshme
R. SH. - Vatikan
Kryeministri i Bangladeshit Sheikh Hasina dha dorëheqjen. Horizonti politik i Bangladeshit u revolucionarizua plotësisht brenda pak orësh. Ekonomisti Mohammad Yunus, fitues i çmimit Nobel për Paqe 2006, i njohur si "bankieri i të varfërve", do të jetë kreu i ri i qeverisë së përkohshme, me kërkesën urgjente të drejtuesve të protestave studentore që e detyruan Kryeministrin e Indisë, Sheikh Hasina, të dorëzonte pushtetin dhe të arratisej. Yunus do të udhëheqë vendin në periudhën e tranzicionit politik.
Presidenti Shahabuddin, më pas, shpërndau Parlamentin, pasi u konsultua me partitë politike, ushtrinë, shoqërinë civile dhe drejtuesit e kolektivit "Studentët kundër diskriminimit". Shahabuddin njoftoi edhe lirimin e të gjithë protestuesve të arrestuar masivisht nga forcat policore, që nga korriku e tutje. Më në fund, pas vitesh arrest shtëpiak, u lirua edhe liderja e partisë opozitare Khaleda Zia.
Tronditës, numri i të vrarëve gjatë prostestave
Numri i të vdekurve gjatë demonstratave ka arritur shifra tronditëse: që nga fillimi i korrikut u vranë më shumë se 400 vetë, nga të cilët të paktën 109 në orët pas braktisjes së kryeministres Hasina. Nga shumë zëra vjen kërkesa që si protestat, ashtu edhe veprimi i policisë kundër demonstruesve, të mos shkaktojnë më vdekje.
Thirrjet e bashkësisë ndërkombëtare
Sytë e bashkësisë ndërkombëtare janë drejtuar nga shteti i Azisë Jugore dhe, ndërsa presioni kundër shkallëzimit të mëtejshëm të armiqësive është tejet i ndjeshëm. Volker Türk, Komisioner i Lartë i OKB-së për të Drejtat e Njeriut, foli për nevojën e një tranzicioni paqësor të pushtetit dhe i dënoi të gjitha aktet e shkeljeve të të drejtave të njeriut të kryera që nga fillimi i protestave. “Përgjegjësit për vrasjen e qindra njerëzve dhe plagosjen e mijërave të tjerëve, duhet të përgjigjen”, është imperativi i Türk.
