杏MAP导航

鈥淗EBDÓMADA PAPAE鈥�
NOTÍTIAE VATICÁNAE LATÍNE RÉDDITAE

Die vicésimo secúndo mensis Februárii anno bismillésimo vicésimo quinto

TÍTULI

Francíscus Papa in Valetudinárium Gemelli est recéptus inspiciendórum curandorúmque pulmónum cáusa.

Monet Póntifex artem loquélam esse universálem quae quémlibet belli clamórem quiéscit.

De Sýnodo: decem Coetuum Inquisitiónis compositóres ac secretárii congregántur.

Salútem plúrimam ómnibus vobis audiéntibus núntios Latínos dicit Márius Galgano.

NOTÍTIAE

Hebdómada transácta, ex qua in Valetudinárium Gemelli est recéptus Francíscus Papa, sanitátis post exámina, ad Offícii Communicatiónis Sanctae Sedis verba, ipsíus status 鈥渋mplicátus鈥� definítur. Refert Olga Sakun.

Ut Vaticánus nuntius ásserit, valetúdinis condício Papae Francísci ánimum mínime áfficit, qui bonus manet. Eius dies sacram Eucharístiam recipiéndo, precándo, legéndo et operándo exigúntur. Nominatiónes ac telephónii collóquia continuántur: s墙pius his diébus patrem Gabriélem Romanelli, Gazae párochum, vocávit, qui narrávit fatigátum, sed clare loquéntem, eum se repperísse. Núntii orationésque úndique géntium pervéniunt, atque ad Valetudinárii intróitum precándi grátia coadunátur quaedam hóminum multitúdo.

Papa Francíscus in Gemelli Valetudinárium ob pulmónum inflammatiónem recéptus, Salutatiónis Angélicae precatiónem ac sermónem Offício Communicatiónis Sanctae Sedis ut evulgaréntur trádidit. Lóquitur Rosárius Tronnolone.

Hoc sermóne artífices allóquitur Póntifex, suum Iubil墙um celebrántes; precatiónes póstulat pro Natiónibus bella geréntibus ac pro iis simul qui in sanitátis província operántur ipsúmque curant, iíque 鈥渟ustineántur鈥� opórtet, útpote cum 鈥渙pus magni pónderis sed étiam laboriósum fáciant鈥�. Póntifex monet artem ipsam vim possidére pacis diffundéndae atque páriter suam aegritúdinem osténdit se 鈥渟acrae Eucharístiae interésse non potuísse, artifícibus appríme dicátae, úndique géntium accedéntibus, iubiláribus Diébus fruitúris鈥�.

NOTÍTIAE BREVÍSSIMAE

Die duodevicésimo mensis Februárii mane, sero, decem Coetuum Inquisitiónis compositóres ac secretárii convenérunt, quaestiónes agitántes, quae in Prima Sessióne sexti décimi Coetus Generális Ordinárii Sýnodi Episcopórum exstitérunt. Haec coadunátio - ut Secretária generális Sýnodi ásserit 鈥� ex precatióne est incoháta, cum partícipes Pontíficem memorárent, pro eiúsdem valetúdine recuperánda orántes.

Francíscus Papa, a Kaléndis Mártiis suméndo inítio, sorórem Raphaélam Petrini, hucúsque Secretáriam Generálem Gubernatorátus, Pr墙sidem Pontifíciae Commissiónis pro Civitáte Vaticána, necnon Gubernatorátus Pr墙sidem nominávit.

Haec háctenus, de novis rebus próxima hebdómada vos certióres faciémus.