杏MAP导航

Jean-René B.-Kinshasa

«’Té bomoi na biso elumba nsólo elamu ya Nsango Ndamu, pe litatoli ya bolingi ya sóló esalemi pe ekoli, na Kristu eye tokotónga mikolo minso na likindo». Na likita na Pápa Léon XIV mokolo ya mibale eye ya 24 ya sánzá ya motóbá, Hadrien, moyekoli na likindo ya Toulouse, akangi ntina ya bosaleli bolingi na Yezu.

«Bolingi na Kristu, ezali bolingi ya ba bolingi. Ezali ya monene koleka, ya makasi koleka”, ekobaki elenge mobali, ayaki na Roma na ba likindo ntuku misato ya Toulouse zambi ya poso moko ya mobembo wa boyambi. Bolingi ena na Kristu, Hadrien akolimbola ‘te akolekisa yango lokola na boyokani ya ye moko eye ekoleisa bomoi na ye na kati, kasi na bandeko na ye balikindo, lokola o bileko ya koyemba misa na lisanga.

 Sima ya bolekisi butú na losambo mokolo ya yambo 23 ya sánzá ya motóbá na basilique Santu-Polo, balikindo ya Toulouse bakendeki kokutana na balikindo 4.000 basusu pe batéyi po na boleki na Ezibeli Esantu na basilique Santu-Petelo pe koyoka Santu-Pápa mokolo ya mibale na tongo. Molikindo ya diocèze ya Bordeaux, Gabriel alobi bolendisi ya Léon XIV ya “kozala na motema ya bomikitisi pe péte-péte lokola eye ya Yezu”. “Yango ndé batangisaka biso na likindo, mosala ya motema, ntina ya kolinga lokola Yezu”, ekobaki ye.

Sik’oyo na mobú ya yambo ya philosophie, Gabriel alekisaki mobú moko ya bososoli na Paray-le-Monial, na etuka eye ya bobimi ya Motema ya Yezu na kati Ya France. Lolenge ya motema ya santu Margerite-Marie Alacoque, azali koluka asala kaka moko na Motema ya Yezu, “lokola molikindo pe lokola mobateli ya lobi”.

Na suka ya likita, Pápa wa Roma apesaki mbote na loboko ya balikindo ebele, kati na bango loboko ya Geoffroy, oyo azali komilengele po na kokoma nganga-Nzambe na diocèze y’Agen. Akamwé na botali pe ezaleli ya bomikitisi ya Pápa, elenge mobali azalaki liboso moto ya mosala ya maboko yambo ya koyingela na propédeutique, eteni esengeli koleka mobú moko liboso ya kokota na likindo. “Mokonzi ayaki koluka ngai na esika na ngai ya mosala”, elimbolaki ye.

Eklezia ezali na libaku moko makasi po pembeni ya balikindo 100.000 bazali na kelasi bipayi mingi na mokili. “Tozali mingi te, ezali na bato mingi te bazali komipesa, atako etinda ezali ya kokomwa makasi”, elobaki ye. Po na ye, eleko ya likindo ezali eleko kaka moko zambi ya koyekola na molimo pe lokola na bomoto: “Kozua mibú mitano pembeni, ezali lokola Yoane- Mobatisi oyo bamemaki na eliki liboso ‘te abima na Israël. Ezali eleko moko ekosunga ngai ya komiyeba malamu, ya kokangema na Mokonzi, ya koyeba nani nazali pe eye nazali koluka na mozindo”