Пантыфік: Эўхарыстыя дазваляе жыць у еднасці з Богам і братамі
Аляксандр Панчанка - Vatican News
“Фонд і яго ініцыятывы робяць актуальным гэты дакумент, што адпавядае сінадальнаму духу Касцёла, дзе мы ўсе з’яднаныя ў Хрысце, ствараючы ўсеагульнае братэрства як члены аднаго Цела. Гэта адзінства рэалізуецца праз Святога Духа, які з’яўляецца Любоўю, і выяўляецца ў салідарнасці, асабліва да людзей, што пакутуюць найбольш”, — сказаў Пантыфік.
Святы Айцец падкрэсліў, што “трыванне ў Хрысце робіць нас сям’ёй, братамі, якія маюць тую самую годнасць”. “А пасілкам гэтай сям’і, якая ў нядзелю збіраецца за імшальным сталом, з’яўляецца Эўхарыстыя. Мы з’яўляемся адным целам, бо спажываем адзін хлеб. Гэта духоўная ежа, якая патрэбна аднолькава ўсім і дазваляе нам жыць у еднасці з Богам і нашымі братамі”, — нагадаў Францішак, дадаўшы, што “гэта сіла Святога Духа ператварае нас у інструменты любові Бога, які прагне дасягнуць усіх людзей без выключэння”.
“У гэты Святы год я хачу падзякаваць вам за тое, што з’яўляецеся крыніцай надзеі для многіх людзей, якія пакутуюць і згубілі надзею, людзей, якія, дзякуючы вашай працы, адчуваюць ласкавасць і суцяшэнне Бога ў пакутах”, — сказаў на завяршэнне прамовы Папа.
